EUROPA REPORT

• Sortie : 2013
• Réalisateur: Sebastián Cordero
• Genre: Mystère, Aventure

—-

فلم امريكي من نوع خيال علمي حول واحد البعثة كتكون من واحد الطاقم متعدد الجنسيات مشاو لرابع اكبر اقمار جوبيتير او المشتري اللي سميتو Europa و اللي السطح ديالو كيتكون من الجليد , الطاقم كيحاول يلقا شي اشارة على تواجد حياة تماك و لو حياة بكتيرية . اللي غيلقاو تما تخطا التوقعات ديالهم.

اول حاجة الفلم كنعتابرو من افلام hard science fiction و اللي كتميز بكونها كتحاول تحتارم القوانين الفيزيائية و الحقائق العلمية ما امكن, عاوتاني الفلم مصور بواحد الطريقة بحالا كتشوف شي وثائقي مثلا, ايضا ما نساش ان الممثلين داخلين الدور ديالهم بجدية ماشي بحال شي افلام اخرى مثلا الممثلين لا علاقة ..

قضية البحث عن شي حياة من غيرنا فهاد الكون كانت و مزال كاينة و غتكون, و هاد الفيلم محاولة لتصور كيفاش غتكون هاد الحياة مثلا الى لقيناها, الفلم تقدر تصنفو انهو lovecraftien من ناحية قصة الفلم او النوعية ديالو و لا من ناحية الكائن اللي غيلقاو فوق Europa اللي هو احد الاقمار ديال المشتري.

حاجة زوينة ايضا فالفيلم انه ميكيوريكش هذاد الكائن و كيخليك تخايلو نتا خصوصا الى كنت مطالع على الكتب ديال H.P Lovecraft او عندك فكرة على les montres cosmiques , كيخليك حتا لخر عاد كيعطيك وحد الصورة سريعة على هداك الوحش ,

الفيلم كيعطيك فكرة على كيفاش الانسان لاشيء مقارنة مع ربما اصغر كائن فضائي على واحد القمر صغير بحال Europa , تخايل كوكان شي كوكب فالمجرة ديالنا و عليه هاد الكائنات قداش غيكون الحجم ديالها ..

لي مشافش الفيلم يمشو يشوفو راه يستاهل